cook

LUCY PEARL POINT OF VIEW

Nagising ako nang sobrang bigat ng katawan ko. Nang imulat ko ang mga mata ko ay hindi pamilyar ang kwarto na kinaroroonan ko. Medyo masakit din ang ulo ko at naroon pa rin ang pagkalam ng sikmura ko. Inisip ko ang nangyari sa akin kanina at doon ko naalala na lumayas nga pala ako at napadpad ako sa kabukiran hanggang sa natumba na lang ako at nawalan ng malay nang dahil sa gutom.

Kahit papaano ay masaya naman ako. Nandito na ako sa isang kwarto ibig sabihin ay may tumulong sa akin. Ang tanging naiisip ko ngayon ay kumain. gutom kasi ang sinisisi kong dahilan kung bakit ako nanlalata ngayon.

Maya maya lang ay bigla nang may pumasok. Isang babae, nakasuot ng kulay puting damit at sa tingin ko ay isa siyang nurse. Kung hindi ako nagkakamali ay nasa ospital ako ngayon. Dito ako dinala ng taong tumulong sa akin.

"kumusta ang pakiramdam mo, misis? eto, may dinala akong pagkain, kainin mo muna. Buhat nang dinala ka kasi dito, ilang oras na rin ang nakakalipas. Sig