Chapter One Hundred Sixty Three 

"DAMN," inis na bulalas ni Silver. Kahit kasi may importanteng tinatalakay sa quarterly meeting ng kanilang kumpanya Madrigal Sweets ay wala roon ang kanyang atensyon. lumilipad pabalik sa kanyang resthouse, kung saan naroroon si Hannah. 

Kung hindi lang siya nag-aalala na hagilapin siya ng mga magulang at matuklasan ng mga ito na kasama niya si Hannah, hindi siya susunod. Ngunit, kilala niya ang mga magulang kapag nay ginustong gawin ang mga ito. May pagkakataon nga na walang pakialam ang mga ito kung makapanakit ng iba. Ang mahalaga sa mga ito ay ang perang maaaring makuha ng mga ito. 

Masakit mang tanggapin pero mukhang pera ang kanyang mga magulang. Iyon nga ang dahilan kung bakit nagawa ng mga itong agawin kina Blue at sa ina nito ang mana na dapat ay para sa mga ito. 

Kaya, importante talagang walang dapat na makaalam ng tungkol kay Hannah. Dahil baka maging dahilan pa iyon para tuluyan itong mawala sa kanyang buhay. 

Hah, hindi