Chapter 90: Brielle’s Unbearable Torment

At dahil nagalit sa kanya si Simon sa tahasan niyang pagtanggi rito gumanti ito sa kanya at ginamit ang mga larawang kinuha nito noon. Kailangan niyang makausap si Simon at hingan ng paliwanag ito. Ayaw niyang matanim sa isipan ni Brielle na nagtaksil siya rito. 

Nang mag-angat ng mukha si Brielle, nakita niyang nakatayo sa bukana ng pinto sa kwarto si Ivana at hawak na nito ang maleta. Tumayo siya at tiningnan ito ng masama. 

“Ano pa ang tinanga-tanga mo dyan? Kumilos ka na,” sigaw niya kay Ivana. 

Muling nagulat si Ivana ng marinig niyang sumigaw si Brielle. Tungo ang ulo na naglakad siya palapit dito. Walang salitang namutawi sa bibig ni Brielle. Binuksan nito ang pinto at naglakad palabas. Sumunod siya rito at isinara ang pintuan ng unit niya.