Chapter 152: Returning to Beijing

MADALING araw na ngunit di pa rin dinalaw ng antok si Ivana. Paulit-ulit na bumabalik sa isipan niya ang nangyaring pagtatagpo nila ni Brielle sa venue. Bumaba siya ng kama at nagtungo sa terrace. Tahimik ang buong paligid at binabalot ng malamig na simoy ng hangin. 

“Why I still can’t forget you, Brielle Santillian? Ang dami mo ng kasalanan sa akin at talagang pinamumukha mo sa akin na masaya ka sa piling ng iba. Hintayin mo ang pagbabalik ko at pagbabayarin kita sa lahat ng kasalanan mo sa akin. Kulang pa ang buhay mo sa lahat ng kasalanan mo sa amin. Kulang pa Brielle!”  Hindi na niya mapigil ang mga luhang naglandas sa pisngi niya. Magkahalong galit at hinanakit ang pumuno sa isipan niya. 

Sa sobrang lalim ng hinagpis niya, hindi niya namalayan na sumunod sa kanya si Graciela.