LANCE JAVIER 48

Kinabukasan, sa condo,

Maagang-maagang nagising si Miscy, naghanda siya ng almusal para sa kaniyang anak. Pagkatapos nitong kumain ay tinapos ni Miscy ang ilang paperwork at ipinadala niya ito sa email ni Richard.

“Mama, Mama.” Yumakap si Kitty sa hita ni Miscy. “Mama, can I come with Tita Vana?”

Naglalambing si Kitty sa kaniyang Mama, gusto niyang mamasyal sa mall kasama ang Tita Givana at palihim niya ring kikitain ang kakambal.

Miss na miss niya na ito at pakiramdam niya ay malungkot si Hailey dahil hindi ito masyadong bibo nang huli silang mag-usap.

Kinarga ni Miscy ang anak, hinalikan sa pisngi bago niyakap. “Where did Tita Givana going? Aalis si Mama tonight, I have to meet someone tonight.”

Bumukas ang pinto ng silid ni Miscy at bumungad sa kaniya si Givana na nakabihis na. “Sa mall, ipapasyal ko ang maganda kong Kitty. Saka, gusto ko siyang ipag-shopping.”

Halatang gustong-gusto ni Kitty na pumunta sa mall kaya pumayag na siya. Gusto niyang sumama dito si Yaya Niña pero