LANCE JAVIER 24

Dalawang linggo na abala si Miscy na magbalangkas ng bagong recipes at tahimik ang kaniyang buhay na hindi na sila muling nagkita ng dating asawa mula pa ng magkita sila sa HP Sailor.

Pagmulat ni Miscy ng kaniyang mga mata, umiikot ang paningin niya dahilan para muli niyang ipikit ang mga mata. Napahawak siya sa kaniyang bibig at mabilis na tinungo ang banyo ng masuka siya sa matinding hilo.

Nagising si Kitty na nagsusuka sa banyo ang kaniyang Mama. Nakaupo siya sa kama at kinusot ang maganda niyang mga mata.

Kumunot ang noo ni Kitty dahil napapadalas ang pagsusuka ng Mama niya at masama ang pakiramdam mula ng gabing hindi ito umuwi.

Bumaba si Kitty sa kama at nag-aalalang nilapitan ang Mama sa loob ng banyo. “Mama, are you okay?”

Pinatay ni Miscy ang gribo ng marinig ang boses ng kaniyang anak. Nginitian niya ito at nilapitan.

“Hello, Baby. Good morning,” Kinarga niya si Kitty at pinaupo sa lababo. “Good morning too, Mama. Are you sick?”

Sinapo ni Kitty ang mukha ni Miscy, hin