Chapter 128 [Book 5 of Hiltons family]

“Ang buong paligid ay napapalibutan ng magagandang bulaklak. Habang sa gitna ng hardin ay nakalatag ang isang mahabang pulang carpet patungo sa unahan kung saan ay naghihintay ang Pari, na siyang magkakasal sa amin ng aking kasintahan. Napaka gandang tingnan nang lahat ng mga bisita sa okasyong ito at hindi maikakaila ang kanilang karangyaan dahil sa malahigh class na kasuotan ng mga ito.

Tanging kasiyahan ang makikita sa mukha ng lahat. Napasinghap silang lahat nang lumitaw ang isang babae mula sa kung saan. Nakasuot ito ng magandang damit na pangkasal. Nang pumailanlang ang isang malamyos na musika ay nagsimula sa marahang paghakbang ang bride at tanging nasa kanya lang ang atensyon ng lahat. Habang sa unahan ay matiyaga akong naghihintay na makarating siya sa aking kinatatayuan. Ramdam ko ang kilig na nararamdaman ng mga babae sa paligid ko habang pasimpleng sumusulyap sa akin ang mga ito.

Walang sinumang babae ang kakayanin ang aking karisma, at higit akong naging gwapo ngayon da