Chapter 106 [Book 4 of Hiltons family]

Misaki’s Point of view

“Kanina pa ako hindi mapakali sa aking kinauupuan. Halos mamula na ang isang kamay ko dahil sa kakapisil ng kanang kamay ko. Wala ring humpay ang pag-usal ko ng isang dalangin na sana ay dito sa mansion umuwi si Mr. Storm. Sa totoo lang ay halos araw-araw naman akong ganito. Maya-maya ay nahinto ako sa paghakbang ng biglang bumukas ang pintuan na nagkokonekta mula sa basement.

Nagulat ako ng tumambad sa akin ang nakakaawa na itsura ni Patricia, magulo ang kanyang buhok. At hanggang ngayon ay suot pa rin nito ang damit na suot niya ng huli ko siyang nakita sa pintuan ng library. Alam ko kung ano ang nangyari sa kanya base na rin sa itsura nito. Dahil isang linggo pa lang ako dito sa mansion noon ng maranasan ko ang makulong sa basement bilang parusa. Nahirapan kasi sila na pahintuin ako sa pag-iyak kaya ipinasok nila ako sa basement. Halos inabot din ng dalawang araw bago nila ako binalikan. Sa sobrang takot ko mula noon ay hindi na ako umiyak.

Pero sa tingin k