Chapter 4: How to Anger Xeno

Napa-angat ako ng tingin dahil sa taas ng building ng NoMaX Group, ang kompanyang pinapalakad ni Xeno. Napaisip tuloy ako habang tinitingala 'to. Ilang palapag kaya ang binubuo ng building na 'to? Sa pagkakaalam ko hindi lang ito ang pagmamay-ari ng NoMax, e. May headquarters din ang NoMaX sa China? Meron dong building ang NoMaX sa Europe, at South and North America.

No wonder kung bakit nahalal siya bilang top one sa 'Top 10: The Most Eligible Young Business Tycoon' sa magazine ng Elites of the Year.

I make face dahil sa naisip. Eligible. Pfft...

Ano kaya ang magiging reaction ng press kapag nalaman nilang kinasal na ang top one of The Most Eligible Young Business Tycoon nila? Iniisip ko pa lang natatawa na ako. Pero napawi rin ang ngiti ko nang naalalang gusto nga pala niya akong i-divorce. Tss.

Pumasok na lang ako sa loob ng building at dumiretso sa reception table. Hindi ko naman gustong pumunta rito e. Ang kaso hindi sinasagot ng napakabait kong asawa ang mga tawag ko, kahapon pa.

Damn. He's really serious about not bothering him at all. But to hell I care with that! Pinapapunta kami ni lolo Xian sa kanila, it's not like I want to bother him. Kaya heto ako ngayon, sinasalakay ang nagrerebelde kong asawa.

"What can I do with you, Ma'am?" polite na bati ng front desk na naka ngiti sa'kin.

'Buti pa 'tong mga tauhan niya sa kompanya may mga asal. Akala ko pa naman lahat ng mga trabahante niya katulad niyang walang asal. Sa bagay, pinanganak nga palang nakabusangot ang ungas na 'yon. Kaya siguro nakalimutan na niyang mag-asal tao.

Nginitian ko ang receptionist. " Ahm..." Napalunok ako. "M-may I know what floor, Mr. Xeno Mañuz's office? I badly need to talk to him."

Mas lalong napangiti sa'kin ang babae, 'yong tipong alam mong plastik.

"May I know if you have an appointment with him, Ma'am?"

Napakamot ako ng noo, "Kailangan pa bang may appointment ako sa kaniya?" bulong ko sa sarili at sa tingin ko ay narinig 'yon ng receptionist kaya nag-iba ang timpla ng mukha niya pero tinatakpan niya parin ng ngiti.

"Yes, ma'am."

Napakamot ulit ako ng ulo. "Hindi ako nakapag setup ng appointment, Miss, e. Diba pwedeng sumingit na lang? Ako lang naman e."

"I'm sorry, Ma'am, but due to our, C.E.O's hectic schedule it is necessary to get an appointment with him or else the, C.E.O won't be able to give you an audience. "

This time napasandal na talaga ako. "Sige na, Miss, please. Just five minutes, or one, may importanting sasabihin lang talaga ako sa kaniya." Sasabihin ko lang naman kay Xeno na kay lolo Xian na kami magdi-dinner e.

"I'm really sorry ma'am, but that's against the company's policy. If you want, you can wait for the C.E.O to pass by the lobby." Pagkatapos ay tinuro ang gawing likuran ko.

Napalingon naman ako do'n sa tinuro niya. May mga sopang nakahilera do'n saka mini table at mga magazine na nakapaloob. Alangang binalik ko ang tingin sa receptionist pero nginitian niya lang ako.

Ipagpipilitan ko pa sana ang sarili kaso baka sa labas na ang bagsak sa susunod na gawin ko 'yon.

"Ang damot. Isang minuto lang pinagdadamot pa. Malulugi na ba ang kompanya nila kapag pinalampas ako kahit isang beses lang? Ang dadamot."

Dahan-dahan akong umupo sa couch bago ko kinuha ang aking cellphone at nag-dial sa number ni Xeno for the nth time.

"The number you have dialed is now unattended or out of coverage area. Please try your call later," pero 'yan lang ang paulit-ulit na sumasagot.

After eleven calls I decided to stop calling him. Hindi rin naman niya sinasagot. Naisipan ko pang e-text na lang siya pero baka hindi rin niya basahin. Knowing him, he rather die than read my text. At baka dahil don ay hindi siya makarating mamaya sa bahay ni lolo. Hindi pa naman puwede magalit si lolo Xian, kundi patay kami pareho.

Liningap ko ang buong paligid baka sakaling may mapag lusutan ako. Ako na ang hahanap kung saang floor si Xeno. Walang mangyayari sa'kin dito kung maghihintay pa ako sa kaniyang dumaan. Baka sa backdoor pa 'yon dumaan, e.

Sa pagmamasid ko, hindi ko maiwasang napatingin sa front desk. Lahat ng mga receptionist ay naka tingin sa'kin. May ilan pang nagbubulong-bulungan.

Okay? Baka na sense nila ang gagawin ko? O baka naman gawin nila akong suspicious person? O baka ako lang talaga 'tong praning?

Nanlaki ang mga mata ko nang nakitang tinawag nila ang mga guards. Nataranta agad ako kung ano ang gagawin. Naman e! Bakit kailangan pa nilang gawin 'yon? Halos magkandaugaga na ako kung ano ang gagawin nang makitang papalapit nga sila sa gawi ko. Wala sa sariling napatayo ako.

I camouflaged among the crowd who passed by me, and entered the elevator. Halos lumuwa na ang mga mata ko nang makitang hanggang fifty-story ang building! Damn! Kakayanin ko bang hanapin si Xeno dito? Paano kung wala siya dito? Ano ang gagawin ko?

In the end, I decided to ask. Mas maganda pa 'to kaysa sa manghula. Bumuntong hininga muna ako bago ko kinalabit ang babaeng katabi ko. Nginitian ko siya nang lumingon siya sa'kin.

"Miss puwedeng magtanong?"

Tumaas ang isang dulo ng kaniyang kilay bilang sagot.

"Nakalimutan ko kasing magtanong sa baba kanina. Saang floor nga pala ang sa C.E.O?"

Pag-aalangan ang nababasa ko sa mga mata niya pero sa huli ay sinagot niya pa rin ang tanong ko.

"Sa twenty-eighth floor," alangan pa niyang sagot bago ako tinalikuran.

Saka pa lang ako nakahinga ng maayos nang unti-unti ng lumiliit ang bilang namin sa loob ng elevator. Nang nasa twenty-eighth floor na kami ay ako lang ang bumaba sa elevator. Kaya siguro lahat sila ay nanlaki ang mga mata habang nakatitig sa'kin bago magsara ang elevator.

Palinga-linga ako sa buong paligid. Kahit kasi nandito na ako sa palapag kung nasaan si Xeno ay hindi ko pa din alam kung saan siya specifically. Ngayon ko lang din kasi sinubukang pumasok sa kompanya ni Xeno even though ilang taon na kaming kasal.

Malawak ang palapag at lahat ng taong nandito ay abala sa kani-kanilang mga trabaho. Nakagat ko ang aking labi. Saan ba ako dapat mag-umpisa sa paghahanap sa ungas na 'yon? Dinadaanan na ako ng mga tao dito at may ilan pang napatingin sa gawi ko pero hindi ko naman alam kung ano ang dapat gawin. Nakatunganga lang ako habang nakatayo.

Ganun ang situwasyon ko nang may biglang humila sa aking pulsuhan at kinaladkad ako sa kung saan. Balak ko sanang umalma kung hindi ko nakita ang pamilyar niyang likuran na nakaharap sa'kin. Nagbukas siya ng pinto ng isang silid na walang katao-tao at saka ako diniin sa pader. Napadaing ako sa sakit nang tumama ang likod ko sa malamig na semento.

"What are you doing here?" Tila kulog ang dating ng boses niya sa'kin. "Hindi ba't sabi ko huwag na huwag mo akong aabalahin? Tapos ngayon nandito ka pa sa loob ng kompanya ko?"

Nakaramdam agad ako ng takot sa kalamigan ng boses niya. Nagtatalo tuloy ang isip ko kung tama pa ba na nagpunta ako rito pero kung hindi naman ako pumunta, magagalit naman si lolo Xian sa'kin mamaya, at paniguradong pati ang isang 'to ay magagalit din.

Nag-angat ako ng tingin sa kaniya. Unang nakita ko ang nagsasalubong niyang perpektong kilay pero bukod do'n ay ganun pa rin ang mukha niya. Hindi manlang nakikitaan ng stress habang ako ay stress na stress na dahil sa kaniya.

Kumibot ulit ang mapupulang labi niya. "Ano bang ginagawa mo dito?"

Baliw na yata talaga ako. Kahit ilang beses na niya akong sinaktan gamit ang labi niyang yan ay sexy pa rin 'yon sa paningin ko. Baliw na talaga ako!

"Hinahanap ka," agap kong sagot.

Lumayo si Xeno sa'kin ng kaunti at humalukipkip. "O, nahanap mo na ako. Anong kailangan mo?"

Pero kahit gaano ka sexy ang dating ng labi niya ay ang talim pa rin ng mga binibitawan niyang salita. Tss...

"You're not answering my calls. I've been calling you since yesterday." I don't even know if it's a good thing that you haven't blocked me yet.

"I told you not to bother with me unless you signed the divorce paper. Napirmahan mo na ba?"

Umiwas ako ng tingin sa kaniya. "Hindi. Ayokong pirmahan 'yon."

Sumama agad ang timpla ng mukha niya. "Then get out. Don't even try to see me again unless you hand me the divorce paper with your signature on it."

"Wala ka talagang kuwenta," bulong ko pero tama lang para marinig niya.

"What did you just say?"

Kinuyom ko ang aking kamao sabay ang pagbaha ng inis sa kalooban ko. "Ang sabi ko wala kang kuwenta," ulit ko pa.

Ni hindi ko nga alam kung saan nanggagaling ang lakas ng loob ko para sabihin ko 'yon sa kaniya.

Muli akong nag-angat ng tingin sa kaniya. Salubong ang kaniyang kilay nang magtagpo ang paningin namin. Sa huli ako na ang nag-iwas ng tingin. Hindi ko kaya ang matalim niyang mga mata.

Bumuntong hininga ako bago nagsalita. "Tumawag sa'kin si, lolo Xian kahapon. Ang sabi niya sa kanila raw tayo mag hapunan mamaya, kaya ako nandito."

Hindi niya ako sinagot kaya nagsalita muli ako. "Pupunta ka ba?"

"I won't. I don't wanna see your faces," malamig pa sa bangkay niyang sagot.

"Well assume that you're ready for, lolo's wrath then!"

Ayaw niyang pumuta do'n? E, alam naman niyang magagalit si lolo sa kaniya kapag hindi siya pupunta. E, di huwag! Kung ayaw niya e di huwag! Pasalamat pa nga siya at pinagsabihan ko pa siya, e. Tsk!

Nang tingalain ko siya ay galit na mga mata ang sumalubong sa'kin. Galit siyang lumapit sa'kin kaya mas lalo akong napausog sa pader.

"You!" pabanta niyang sigaw.

Napapitlag na lamang ako sa gulat nang bigla-bigla niyang sinuntok ang pader sa giliran ko. Napapikit pa ako sa buong akalang ako ang susuntukin niya.

"Stop using, lolo Xian against me, dammit!"

Umismid ako bago ko sinalubong ang matalim niyang tingin.

"Alam mo naman kung anong mangyayari kapag hindi natin sinunod si, lolo 'di ba?" Inalis ko ang braso niyang nakaharang sa'kin. "That's why you don't have a choice to go against him, Xeno. Kung ayaw mong isumbong kita kay, lolo sa divorce na gusto mo, umayos ka."

I saw him gritted his teeth before he took a few steps back. Hindi na siya nagsalita pa na ikinangiti ko ng palihim. Well I know who's the last person Xeno would want to go against with, and that would be his grandfather-Xian. Wala siyang kapangyarihan na suwayin si lolo Xian kaya ganyan na lang siya kung maka react.

Umalis na ako don. Iniwang frustrated si Xeno.

"Dammit!" rinig ko pang sigaw ni Xeno bago ko isinara ang pinto.

You don't want to see me? Well, table is now turned, Darling. Kakampi ko ang alas. Tingnan lang natin kung hindi ka pa titino.