Chapter 49 Obstruction

Tatlong araw pa lang na wala si Lucy pero hindi na siya mapakali, hindi niya magawang sundan ito dahil na rin sa mga inaasikaso niya sa kompanya nila, kaya pinilit niya na lang makuntento sa pagtawag at text dito. Iyon nga lang, halos madalang din itong makasagot kaagad dahil sa hina ng signal sa kinaroroonan nito.

"Hon, kailan ka ba uuwi?" simangot niyang maktol sa telepono habang kausap si Lucy.

"Sorry bee, may mga inaasikaso lang ako dito, ugok kasi tong si Luke napabayaan iyong farm," ngitngit nito.

Napatawa na lang siya sa turan nito sa kakambal. "Nasabi mo na ba sa kanya?" pagpapaalala niya dito.

Pagod na kasi siya sa pagtatago nila sa kapatid nito at nagawa niya na rin naman na maging legal sila sa kanyang pamilya, kaya naroon ang pagkainip niya.

"Hindi pa, pero I think nakakaramdam na siya, iniiwasan kasi ako nitong nakaraan, huwag ka mag-alala, ako ng bahalang kumausap sa kanya," masaya nitong paalam na nagpangiti naman sa kanya.

"I miss you," malambing niyang saad, sadyang