Chapter 52

Mabilis na lumipas ang araw. Ngayon ang araw na kanilang pagpunta sa mansion ng mga Lazaro kung saan sila magtitipo-tipon para sa family day kuno. Muli pang ipinaalala ng matandang Donya Agatha na marapat lahat ay dumalo.

Kasalukuyang nagmamaneho si Esteban. Nasa kaniyang tabi si Anna samantalang nasa likuran naman ang mga magulang nito. Panaka-nakang sumusulyap si Esteban sa salamin dahil ramdam niya ang matalim na tingin ng biyenan na si Isabel. Nanlilisik lang ang mata nito marahil ay hindi gustong sumama siya sa mansion ngunit walang imik ito tila nagtitimpi sa sarili.

Pinagbuksan niya ng pinto si Anna nang nakarating sila. Hindi lumabas si isabel dahil naghihintay itong pagbuksan rin ng pinto.

Napabuntonghininga na lang si Anna nang makitang saka lang lumabas ang ina nang pagbuksan ni Esteban ito ng pinto.

Napailing-iling si Esteban at tinapik ang kaniyang balikat saka lumagpas ang tingin sa kaniya. Lumingon siya sa pinto ng mansion at nakitang naroon si Frede