Chapter 34: Surprise

Atacia's POV:

Padilim ng padilim ang daang tinatahak namin. Unti-unti ring lumalamig ang simoy ng hangin. Nakakailang liko na kami ay wala pa rin ang kaharian ng mga Black. Pakiramdam ko ay niloloko lang ako ng uwak na 'to. Humigpit ang hawak ko sa renda dahil sa naisip kong ito.

Ititigil ko sana ang sinasakyan kong kabayo ng matanaw ko ang isang madilim na tunnel. Pumasok dito ang uwak. Nagdadalawang isip ako kung susundan ko ba ito o hindi dahil baka isa itong patibong. Pero sa huli ay sinundan ko ito. Gumawa ako ng maliit na fire ball upang magsilbing ilaw ko. Nakita ko ang uwak na para bang hinihintay ako. Nang makita ako nito ay muli itong lumipad. Masasabi kong mahaba haba ang tunnel na ito dahil halos 10 minuto ang inabot namin bago nakalabas.

Paglabas na paglabas ng tunnel ay sinalubong ako ng napaka lamig na hangin. It was as if the wind was expecting me already. Pinagpatuloy lang ng uwak ang paglipad hanggang sa tumigil ito sa isang puno. Dumapo ito do