79. TRAPPED SERIES#3

[Samantha]

Natigil sa paghalik sa leeg niya si Troy ng dumating si Mila. Kahit galit siya rito, ngayon ay gusto niyang magpasalamat dito ngayon dahil dumating ito. Dahil kung hindi ay baka saan pa umabot ang ginagawa ni Troy sa katawan niya.

“Ano ang ginagawa mo dito?” Iritang tanong ni Troy sa dalaga. “I told you to keep your eyes on that man—“

“Pwede ba, ibigay mo muna sa akin ang usapan natin. Saka saan mo siya dinala? Baka sinaktan mo siya, ha!” Saglit na tumingin si Mila sa kanya. “Makukuha mo na ang lahat ng gusto mo. Tinulungan ka namin na magawa ang lahat ng plano mo. Wala ka naman sigurong balak na itapon agad kami pagkatapos mo kaming pakinabangan.”

Umupo si Troy at masamang tiningnan si Mila. “Tumahimik ka. Naririndi na ako sa bunganga mo. Ano ang tingin mo sa akin? Walang isang salita? Wag kang mag alala dahil ibibigay ko ang napag usapan.” Naglabas ng baril ang lalaki at saka itinutok sa kaharap. “Kaya gawin mo ang trabaho mo kung ayaw mong patayin ko kayong dalawa.”