KABANATA 65

JANE'S P.O.V

Mag-iisang linggo na rin mula nang huli kaming mag-usap ni Athena. And yes, iyon nga ay noong napagtaasan ko pa siya ng boses. Hindi na ako nagtangka na lumapit pa sa kanya ulit pagkatapos no'n. Nagkasya na lang ako sa pag-uutos kina Ate Gilda at Ayana na alamin ang kalagayan ni Athena sa loob ng kwarto na ni isang beses ay hindi pa niya nilabasan.

At ngayon nga ay araw na ng Sabado. Na pagkatapos ng ilang araw ng pagtikis ko kay Athena ay maglalakas-loob na ako na harapin siya ulit. I will ask her out, gaya na rin ng payo ni Trevor. Siguro raw ay kinailangan lang talaga nito ng panahon para makapag-isip. At hindi rin daw maganda na hintayin ko pa na siya ang mag first move para magkaayos kami. Dahil sa aming dalawa raw ay ako ang mas capable na gumawa ng maayos na step para maging maayos na ulit ang lahat sa amin.

"Ate Gilda, huwag niyo na po munang dalhan ng almusal niya si Athena sa kwarto. Ako na po ang bahalang magdala niyon—”

"For what? Hindi na kailangan. Nandito n