Kabanata 34: Basketball Part 2

BELLA POV

Binigyan ko siya ng masamang tingin tsaka siya inirapan. Kahit maingay dahil sa dami ng tao ay narinig ko pa ang pagsipol na ginawa niya, na sinundan naman ng malutong na pagtawa at asaran ng mga kasamahan niya.

"Excuse me."

Gumilid kami ni Amanda ng may mga grupo ng mga babae ang pababa. Hinintay muna namin silang makababa lahat, bago kami umakyat sa hagdan patungong benches sa ibabaw.

"Hindi ko alam na may magaganda pa pala dito sa El fuego community high school."

Naghiyawan ang mga players na galing sa taga ibang school dahil sa litanyang iyon ng kaibigan nila.

"Halika na," hila ni Amanda sa akin ng makitang nakababa na ang lahat ng mga babae.

"Ahh. Oo," sagot ko sa kanya.

Naunang umakyat si Amanda kasunod ako. Hahakbang na sana ako para sumunod ng patirin ako ng isang lalaking taga ibang school na nasa gilid lang ng hagdan. Nanlaki ang mga mata ko at kamuntikan na akong mapasubsob. Pero nagulat ako nang may isang kamay ang pumulupot sa beywang ko.

"Yooo