Chapter 20

Sarina

Napakasarap sa pakiramdam at para akong pinaghehele. Hindi ko alam kung dahil ba sa lakas ng aircon kaya parang napakagaan ng aking pakiramdam. Dahan dahan kong iminulat ang aking mga mata bago pupungas pungas na sinino ang nasa aking tabi na nakatingin pa sa akin.

Kinusot ko pa para lang matanggal ang luhang natuyo sa aking mga mata na naging muta para lang maka sigurong may katabi nga ako. “Maximus?” ang gulat kong sabi sabay balikwas ng bangon na naging dahilan ng bahagya kong pagkaliyo. Agad naman niya akong nahila palapit bago pa ako matumba at bumagsak sa sahig mula sa kama.

Nagpalingon lingon ako sa paligid para lang masiguro kung nasaan ako. At kagaya kaninang bago ako makatulog ay napansin kong nasa hotel pa rin ako. “Anong ginagawa mo dito? Paano ka nakapasok?”

“I don’t see any reason para hindi ako makapasok dito,” ang sabi niya bago prenteng sumandal pa sa headboard ng kama habang nakahalukipkip ang mga braso.

“Anong you don’t see any reason? Eh hotel room ko ito! Hi