Chapter 3: Part I

Rumored 3:

( Caught )

"So mag kakilala na pala kayong dalawa?" Gulat at masayang tanong ng Mommy ni Chase sa amin, habang masaya kaming pinagmamasdan kaya napa-iling ako.

"Nagkita na po kami niyan ni Chase, kanina sa rooftop," kwento ko kay Tita habang si Chase naman sa tabi ko malamig na nakatingin sa akin habang nakahalukipkip.

Gusto kong sabihin na "Ang feeling nga po niyang anak niyo kanina," pero buti na lang talaga napigilan ko sarili ko sa pagkwento sa kanya. Kasi nako. Anak niya pala iyan!

"Sige po, Tita. Mauna na po akong umuwi," paalam ko. Binalingan ko rin si Chase nang tingin at gaya kanina blanko pa rin ang ekspresyon ng mukha niya.

Nagtama mga mata namin kaya naman nag-iwas agad ako ng tingin sa kanya. Hindi ko talaga kaya makipag eye to eye contact sa mga mata niya.

There something in his eyes na hindi ko mapaliwanag. I have passed by many eyes but I only got lost in his. Whuut? Ano ba itong mga pinag-iisip ko? Nabubuang na ata ako.

"Sabay ka na sa amin? Ihahatid ka na namin sa inyo," alok na sabi ni Tita pero agad din akong umiling-iling bilang pag-tanggi.

"Nako, hindi na po!" Baka kasi iba pa yung maisip ng anak niya pag sumabay ako sa kanila.

Grabe, pa naman ka-advance mag-isip yung isang iyon.

"Come on, Kaylle, I insist." Pagpupumilit ni Tita sa akin.

Tumingin muna ako sa anak niyang si Chase, na blanko lang ang ekspresyon ng mukha na nag-iwas din ng tingin sa akin. Bago ngumiti ng pilit at tumango sa Mommy niya.

Ramdam ko ang paninitig ng ibang studyanteng babae at bulungan nila noong sumakay ako sa magara nilang sasakyan. Panigurado ako ang headline nito kinabukasan!

They have a driver na sa pagkakakilala ko ay si Mang Benny? So si Tita ang nasa passenger seat while kaming dalawa naman ni Chase ang nasa may backseat.

Sobrang tahimik at ni-hindi kami nagkikibuan at sobrang layo namin sa isat-isa na para bang may nakakahawang sakit yung isa sa'min. Dulo sa dulo ang pwesto namin.

Siya naman yung may gusto nito. Bahala siya!

"Chase, Kaylle, magsalita naman kayong dalawa. Jusko! Hindi naman bawal magsalita." Pabirong sabi ng Mommy niya sa amin noong lingunin niya kami sa may backseat. Napangiti ako ng pilit. Paano ko kakausapin yung taong ayaw makipag-usap? At saksakan ng snob? Nakakapanis kaya siya ng laway!

"Chase, kausapin mo naman si Kaylle, baka nahihiya lang 'yan sayo." Sabi ng Mama nito sa kanya. Tamad niya ako binalingan ng tingin, bago tuluyang ibaling sa may bintana sa gilid nito ang paningin habang nakahalukipkip. Tssk. Ang yabang na nga tapos ang sungit pa! At maka-irap daig pa babae! Bakla talaga ata 'to?

Napa-iling na lang si Tita sa amin habang tinitignan kaming dalawa sa salamin na halatang give-up na siya na pag-usapin kami. Hanggang sa ilang saglit pa ay nakarating na din kami sa bahay namin.

"Maraming salamat po, Tita sa paghatid sa akin dito." Sabi ko habang nakangiti sumulyap din ako sa gawi ni Chase saglit na hindi mo alam kung tulog o nakapikit lang bago ako bumaba ng sasakyan nila.

I was about to open the gate nang biglang lumabas si Chase sa may backseat ng sasakyan nila kaya napatingin ako sa direksyon niya. His face is blank. Hindi ko alam kung ano ba ang nasa isip niya.

"My Mom wants me to apologize for what I act lately but I don't want to." He said coolly noong makalapit siya sa harapan ko.

Talagang bumaba pa siya para sabihin lang 'yan? Nakakaasar ha.

Napa-ngisi na lang ako habang tinitingnan siya. Gwapo nga demonyo naman, tssk.

"Okay lang, ano pa ba i-e-expect ko mula sa'yo?" Tugon ko habang nakahalukipkip na nakatingin sa kanya.

"I wonder if you planned all of this just to get my attention. How pathetic." Mayabang na litanya niya kaya naningkit ang mga mata ko habang nakikipag titigan sa kanya.

"Excuse me?" Hindi makapaniwalang usal ko.

"If this is your plan I'm telling you right now to quit it. Kasi hindi ako magkakagusto sayo. Kahit tulungan ka pa ni Mommy." Mayabang at cold na sabi niya na mas kinainis ko lalo.

Napaka self-proclaimed niya talaga. Nanggigigil ako!

Oo, alam ko na magandang lalaki siya. Hindi naman maikakaila 'yon eh. Pero parang timang? Ampucha! Feeling niya talaga siya yung gusto ko!

"Sinadya?" Hindi makapaniwalang usal ko. Habang pinaniningkitan ko siya ng mata. Naiinis na talaga ako sa kayabangan niya! Ang sarap niyang pagpipirasuhin!

"Tandaan mo 'to." Turo ko sa kanya. Tinaasan niya lang ako ng kilay habang hinihintay ang sunod kong sasabihin.

"Hindi. Ikaw. Ang. Taong. Gusto. Ko." Madiing sabi ko habang nakatingin sa mga mata niya.

"Hindi ko rin ipagpapalit ang lalaking gusto ko sa sobrang yabang na katulad mo! Ibang-iba ang taong gusto ko sa'yo!" Naiinis na sabi ko sa kanya habang pinanlalakihan ko siya ng mga mata ko.

Marahan siyang tumango na tila ba hindi man lang affected sa sinabi ko. He bend little his knee dahilan kung bakit naging magkapantay mga mukha namin ngayon. Napalunok at kurap ako sa ginawa niya. Halos hindi ako makahinga habang nakatingin sa kanya na seryosong nakatingin din sa akin at konting-konti na lang magtatama na yung tungki ng ilong namin sa sobrang lapit namin sa isa't-isa. Naging mabilis ang pagkislot ng puso ko dahil dito.

"Really, you don't find me attractive?" Tanong niya kaya napakurap ako ng ilang beses.

"You sure of that?" Nakataas yung dalawang kilay niya habang pinag mamasdan ang mukha ko na para bang naninigurado?

He sighed heavily bago umayos sa pagkakatayo at pumamewang. "Good." dugtong na sabi niya sa mayabang na tono bago pumamulsa sa pants niya.

Aba at talagang!

He shrugged. "And nonsense, I'm every girls dream," pagmamayabang niya pa. "Stick to your words. Baka kasi sooner or later malaman ko na gusto mo na ako," dagdag niya.

Ngumisi ako habang nakatingin sa kanya sa iritasyon na nararamdaman ko towards him. This nerve of this guy is unbelievable!

"Baka sa kaka-insist mo na ako yung may gusto sayo bumaliktad mundo. Instead na ako yung ma-fall sayo, BAKA IKAW PA yung mismong unang ma-in love sa akin. Kawawa ka naman pag nangyari 'yon kasi hindi kita masasalo," natahimik siya sa sinabi ko habang nakakunot ang noo nitong nakatingin sa akin.

"You wish. I'm not interested in you." Iling na sabi niya.

"Yeah, I wish talaga na kainin mo 'yang mga sinabi mo ng mabusog ka!" Nagkatitigan kami ng ilang segundo.

"Then make me," hamon nito sa akin. Kaya natigilan ako at napakurap ng ilang beses dahil doon.

"If I fall for you, I'll make sure you will fall for me too. Hindi ako papayag na ako lang ang may gusto." Dagdag na usal niya na kinatahimik ko.

Hindi ko maintidihan sarili ko. Bakit panay ang pag aalburoto nito ngayon sa turan ng lalaking kaharap ko.

Umiwas siya ng tingin hanggang sa tumalikod at bumalik papunta sa sasakyan nila. What was this weird feeling? Napa-iling akong pumasok sa bahay. Feeling ko lahat ng energy ko nawala sa katawan ko.

"Sino 'yon?" Bungad na tanong ni kuya Kris habang nginunguso yung sasakyan na paalis.

"Manliligaw mo ba 'yon Kaylle?" Naniningkit mga matang tanong ni kuya Kenzo, ang pinaka-strict kong kuya.

"Manliligaw agad kuya?" Kunot noong wika ko.

"Eh, sino 'yon?" Napahalukipkip ito at tinignan ako ng mata sa mata.

"Mama nung Chase na naging kaibigan ko kanina lang." Pag amin ko pero yung mga tingin nila parang ewan, atsaka ano?! Kaibigan ko 'yon? Enemy kamo!

"Kuya naman! Anong tingin 'yan!?" Sabi ko sa dalawang kuya ko na nakatingin sa'kin na para bang nanghuhuli? As if naman talagang may tinatago ako sa kanila.

"Siguraduhin mo Kaylle, pakita mo muna sa amin yung hitsura no'ng nanliligaw sa'yo." Sabi ni Kuya Kenzo sa nagbabantang tono.

"Gusto namin siguraduhin na yung tao rin na 'yon yu-" Naputol yung sasabihin  ni Kuya Kris ng samaan siya ng tingin ni Kuya Kenzo.

"We just want to make sure na hindi mo boyfriend yung naghatid sayo." Si kuya Kenzo ulit. Boyfriend agad-agad? First day of school?

"Bago ka mag boyfriend ipakilala mo muna sa'min maliwanag?" Striktong pahayag ni Kuya Kenzo bago itutok yung paningin sa laptop niya.

Si Kuya Kenzo, at si Kuya Kris, magkahawig sila. Pero kung anong seryoso ni kuya Kenzo, siya yung kinaiba ni kuya Kris, magkahawig sila pero hindi sila kambal.

Mas matanda si kuya Kenzo kay kuya Kris ng dalawang taon. Gwapo sila lalo na si Kuya Kenzo daming nagkakagusto sa kanya noong high school days niya.

Naalala ko noong elementary ako, at highschool sila kuya. Sa akin binibigay ni kuya Kenzo yung mga chocolates niyang natatanggap sa mga admirers niya.

Si Kuya Kris, jusko puro kunsomisyon binibigay niya kila Papa at Mama na nasa Singapore noong elementary at highschool days niya. Pero nagbago naman na siya noong college days niya.

Hindi ko alam kung ano ang pumasok sa utak ko nang i-G****e ko si Chase Monteverde sa laptop ko. Sa sobrang inis ko na G****e ko pa talaga siya.

Napabuntong-hininga na lang ako nung nalaman ko na kilala pala talaga yung pamilya nila at hindi lang dito sa Pilipinas kundi sa iba't-ibang panig ng mundo. Kaya pala mayabang yung isang iyon. Feeling untouchable? Tssk.

Am I weird? Kung tinitignan ko rin yung family picture nila sa G****e? At sa mga Monteverde clan na hindi ko naman kilala kung sinu-sino, pero kilala sa larangan ng business? And also baby pictures? Hindi ko nga alam kung sinu-sino itong mga baby na nandito basta Monteverde sila!

Naningkit mga mata ko nung makita ko si Chase na may ka-akap na babae at nasa Paris sila! Kita ko sa background nila yung Eifell tower at wow! Naka-ngiti pa siya roon. Ang rare nito ha!

So, may girlfriend pala yung isang iyon? Buti hindi niya sinusungitan? At infainess naman doon sa babae ang ganda ha! Mukhang diyosa.

Bago pa ako may malaman o makita tinigil ko na ang pag-stalk ko sa lalaking 'yon. Hindi naman kasi talaga ako interesado doon na yayabangan lang talaga ako sa kanya.