Chapter 101

HINDI na pinabalik pa ni Xandra ang kaniyang ina sa loob ng room ni Tanya at pinauwi na ito upang makapag pahinga. Nang pumasok siya sa loob ay naabutan pa niya si Alexander na hawak ang kamay ng anak nila at tila kinakausap ito.

Nagtagpo ang kanilang mga mata ngunit agad ring nag iwas ang lalaki pagkatapos ay tumayo at lumapit sa mga kaibigan. Gets na niya ang gusto nitong iparating na siya na muna ang tumabi sa anak.

Hinayaan niya lang ang lalaki at napangiti nang hawakan niya ang kamay ng anak.

“Anak gising ka na please? Gusto na kita ulit makausap, okay lang kahit mag adjust ka bago ako tanggapin bilang mommy mo.”

Masakit man kay Xandra ngunit iyon ang katotohanan na kailangan niyang tanggapin. Napag isip isip na niya iyon sa ilang araw na di pa nagigising ang kaniyang anak.

Alam niyang magigising si Tanya at ramdam niya iyon. Sana lang ay mapaaga para maisagawa na niya ang kaso laban kay Tara lalo na ngayon ay muntik na siya nitong ipahamak muli.

Inilabas niya ang kaniyang cellpho