Chapter 71

Pumanhik si Trixxie sa ikalawang palapag. Tiningnan muna niya ang tulog ng kambal sa silid ng mga ito. Payapang natutulog ang dalawa na parang walang naganap na kaguluhan sa kaninang tanghali sa kanilang second birthday.

Nangilid ang luha ni Trixxie habang pinagmamasdan ang mga anak na kamukhang-kamukha ng asawa. Natandaan niya ang itsura kanina ni Gavin matapos niyang sampalin ito. Bakas ang sakit sa mga mata nito ngunit mas pinili nitong hindi na lang umimik. Magsisi man sa padalos-dalos na pananakit rito ay nagawa na niyang saktan ang kabiyak.

Napasalampak siyang umupo sa carpetted na sahig. Tinakpan ang kanyang labi ng kanyang palad sa takot na magising ang kambal sa kanyang pag-iyak. Lahat ng kanyang nararamdaman na takot ay binuhos niya sa impit na pag-iyak. Hanggang sa kusang tumigil ang pagpatak ng kanyang luha. Pinahid niya ang kanyang luha.

Tumayo siya at muling tiningnan sa mga higaan ang kambal. In-adjust niya ang mga kumot ng dalawa at tiningnan ang tempera