Chapter 3

Abala kami sa pagtingin ng mga nakasabit na kung ano-anong abubot sa booth ng DAS or Deparment of Arts and Sciences nang biglang may bumangga sa akin na muntik ko nang ikatumba.

Seryoso? Anong mayroon sa araw na ito at paborito yata akong banggain ng mga walang matang mga nilalang na ito? 

"What the hell?" Sikmat ko sa nakabangga sa akin at tinapunan ito ng matatalim na tingin para lamang matigilan."Ikaw uli?".

"You,..hey." Napapakamot sa ulong turan nito na ikinasinghap ng mga kaibigan kong tila yata naasinan ang mga tumbong. Bukod sa ang lapad ng mga ngiti nila ay panay pa ang kalabit at siko ng mga ito sa isa't-isa.

"I'm sorry, I didn't mean to— I mean, alright, it's my fault this time so quits na tayo." Tuloy-tuloy na turan nito bago pa man ako muling makapagsalita.

"Okay, quits." Tugon ko sabay kibit-balikat at muling itinuon ang pansin sa hawak kong maliit na key chain. It was a pile of books at ang cute nitong tingnan. P'wede kong palagayan ng personalized name kung gugustuhin ko.

"Hindi mo yata kasama ang gwardiya-sibil mo ngayon?" Narinig kong tanong ni Karla dito. Sinulyapan ko ito at hinintay ang sagot nito.

"Gwardiya-sibil?" Clueless na tanong nito kay Karla.

"Si Chanda ang tinutukoy niya". Tugon ni Kaye.

"This is not her type of hang out." Natatawang sagot nitong ikinatanga ng tatlo.

"Marunong ka palang tumawa?" Tila naguguluhang untag ni Mae dito.

"But of course, bakit pareho kayo ng reaction ni Ez?" Tugon nito na ikinakunot na naman ng noo ng tatlong bruha.

"Ez? The who?" Tanong ni Kaye.

"Oo nga, sinong Ez?" Sabad ko sabay balik ng hawak ko sa sabitan nito.

"Ikaw." Tugon nito sabay turo sa akin.

"Ako? As in me?" Gulat na tanong ko." Bakit Ez?"

"Short for Ezekiel, sounds cute, right?" Tugon nito sabay baling sa mga kasama ko na tila ba nanghihingi ng saklolo ng pagsang-ayon sa mga ito.

Sabay-sabay namang tumango ang tatlo na tila kilig na kilig kaya hindi ko mapigilang mapairap sa gawi ng mga ito.

"Sumama ka na lang sa amin mag food trip." Yaya ko dito bago ko hinila sa braso.

"Whoa, may pag hila". Tukso ni Kaye.

Bigla naman akong natigilan dahil doon at namumulang binawi ang kamay kong nakahawak sa braso nito.

"I'm sorry." Hinging-paumanhin ko dito na tinugon lang nito ng amuzed na tingin at pagkibit ng balikat.

"Tara na." Patay malisyang sambit ni Kaye sabay hila sa dalawang panay ang ngisi sa akin.

"What?" Hindi ko napigilang sikmat.

"Wala, sabi ko nga let's go na." Pigil ang ngiting sagot ni Karla at nagpatiuna nang naglakad kasunod ng dalawa.

Ilang minuto pa ang lumipas ay masaya na kaming nag iikot ikot sa mga food stalls na nasa paligid at tila yata walang kabusugang lahat ng makitang pagkain ay tinitikman.

And did I mention na he loves eating pala? My god, sorry to say this pero ang takaw niya.

"Tommorow na ang championship game, goodluck T.A". Turan ni Mae habang hawak sa kamay ang siomai na kinakain nito. 

We are sitting in front of a Siomai stand at nagpapahinga habang kumakain. Nakakapagod ang umikot ng umikot idagdag pa ang tingin ng mga kababaihan sa amin dahil well, kasama lang naman namin ang itinuturing nilang hottie crush ng campus na pinapangarap ng lahat na makasama kahit saglit man lamang.

Hindi ko alam kung dapat ba akong matuwa na kasama namin ang isang Terence Angelo ngayon o hindi dahil siguradong makakarating ito sa gwardiya-sibil nito bukas. Hindi dahil natatakot akong makarating dito kaya ako nag aalala kundi dahil ayoko ng gulo lalo na kung si Chanda ang sangkot.

Nakakawala ng katinuan ang babaing iyon.

Napaismid ako dahil sa aking naisip at hindi sinasadyang tinusok na may kasamang gigil ng hawak kong maliit na stick ang siomai na nasa harap ko.

"Hey, are you alright?" Nagulat pa ako nang bigla nito hawakan ang kamay ko na tila pinipigilan ako.

Napatingin ako sa siomai na nasa harap ko at hindi ko napigilang mapangiwi nang makita ko ang kaawa-awang sinapit ng walang kalaban-labang siomai.

Nagkandahiwa-hiwalay ang landas ng mga ito.

"Hindi lalaban sa'yo yan, Ruzh." Nakangising turan ni Karla.

"Tssee". Inis na sikmat ko dito sabay tingin sa katabi kong takang nakatingin sa akin. "Nothing, just don't mind me, may naalala lang akong nakakagigil sa pinanood kong movie". Turan ko dito.

"Are you sure?" Tanong pa nito.

"Yeah, I'm fine." Tugon na muling tiningnan ang tatlo na naghahagikhikan." Kalbuhin ko kaya kayong tatlo, how would that be?" Nandidilat ang mga matang turan ko sa mga itong tila wala naman yatang pakialam sa inis ko.

"Suportahan ka namin bukas". Walang prenong turan ni Kaye na sinang ayunan pa ng dalawa at nang sabay na tumingin ang mga ito sa gawi ko pati si Terence ay napataas ang kilay ko.

"What?" I asked sabay inom ng juice sa baso ko.

"We'll support him tommorow, right Ez?" Tugon ni Karla na ipinagdiinan pa ang salitang "EZ" na ikingiwi ko.

"No, I'm on Brent's side." Straight na tugon ko sabay tingin sa gawi ni Terence." I'm sorry, you can have their support tommorow but I'll support Brent." Turan ko dito.

Saglit itong natigilan at may dumaang emosyon na hindi ko mawari sa gwapong mukha nito.

Wow, gwapo daw so aminado kang attractive nga siya?

Pang iinis ng isang bahagi ng utak ko.

Wala naman akong sinabing pangit siya ah.

So, gwapo nga?

Oo na, gwa-

Teka nga, napapadalas yata ang pakikipag-away ko sa sarili ko ngayong araw na ito, dyos ko nababaliw na ba ako? 

"Okay, let's have a deal then". Tugon nito na deretsong nakatingin sa mga mata ko kaya wala sa loob na napainom ako ng juice dahil nanuyo yata ang lalamunan ko sa tingin nito.

"Ano namang deal 'yan?" Tanong ko.

"You'll support him but if we won, you'll stay away from him." Seryosong turan nito.

Wala sa loob na napahawak ako sa batok ko dahil tila yata may sumabog na dinamita sa utak ko dahil wala akong naintindihan sa sinabi nito.

Ano daw? Bakit may stay away from him tsutsu?

"Wait, what? Paki paliwanag nga 'yung stay away from him sa deal?" Tanong ni Kaye na kagaya ko ay naguluhan din.

"Pag nanalo sila, I'll be the one to stay away from you but if we won, you'll do the other way around." Simpleng tugon nito na tila lalo yatang nagpakulot ng braincells ko.

"Bakit may stay away? Ano ba kita?" Deritsong tanong ko dito.

"I'm your new found friend and your new gwardia civil." Tugon nitong tila balewala lang dito ang sinasabi at ipinagdiinan ang salitang guardia civil.

Wala sa loob na napatitig ako dito at napatango na tila hindi mapakag isip ng maayos.

New found friend at may pa stay away na kondisyon? Sa totoo lang hindi ko makuha kung ano ang konek pero sige, alam ko namang mananalo ang BSBA.

Napaismid ako dahil doon.

"Fine." Tugon ko.

"Ok, so the deal is done at kailangan ng seal." Naka ngising turan ni Kaye sabay taas ng gawak na baso ng juice at itinaas sa ere.

"Let's have a toast". Sang ayon ni Mae na itinaas din ang baso kasunod ni Karla.

"Deal." Sabay pa naming sambit ni Terence na ngiting ngiti nang mga sandaling iyon.