Chapter 63

CHAPTER 63

HABANG busy si Arthuro sa kaniyang mga dokumento ay nabulabog siya nang biglang may kumatok sa kaniyang opisina. Nandito siya ngayon sa kaniyang kompanya dahil may biglaang dapat na gawing meeting ng kaniyang mga investor.

Napagdesisyunan na lang din niyang dumalo para malaman niya ang pakay ng kaniyang mga investor dahil nalaman niya noong una na ang mga iilang niyang investor sa kabilang business ay nagnakaw ng mga perang hindi niya agad na halata. Bagaman kahit ganoon ay pinagbayad niya ang mga ito ng mas malaki pa sa kinuha ng mga ito at sa huli, nasa kaniya pa rin ang halakhak.

“Bukas ang pinto,” sigaw na imporma niya.

Kinatitigan ni Arthuro ang direksiyong iyon habang nakakunot ang kaniyang noo. Sa mga ganitong oras na marami siyang ginagawa at lalo na marami ring bumabagabag sa kaniya ay ayaw niya talaga ang madidisturbo siya.

Pero nang mapagtanto niyang ang kaniyang sekretarya ito ay nawala ang kaniyang kunot sa noo.

“Ano ang kailangan mo, Trisha?” tanong