CHAPTER 5

BROOK XAVIER....

Napatulala ang babae ng makita ang kan'yang mukha. Lihim s'yang natawa dahil sa nakikitang gulat sa mukha nito.

Nakaawang ang mapupula at manipis na labi ng dalaga at nakaramdam s'ya ng panunuyo ng kan'yang lalamunan habang nakatingin sa mga labi nito. Parang gusto n'ya itong kabigin at siilin ng halik na hindi n'ya maintindihan kung bakit nakaramdam s'ya ng ganitong attraction sa isang babae sa unang pagkikita pa lamang nila.

Ipinilig n'ya ang ulo at lihim na sinaway ang sarili. Hindi s'ya dapat nakaramdam ng ganito sa babae na ngayon n'ya lang nakita.

Isang tingin pa ang iginawad n'ya rito bago nagpasyang talikuran ang babae. Baka kung ano pa ang magawa n'ya kung magtatagal pa s'ya sa harapan nito.

Nagtuloy s'ya sa balak na bumili ng kape sa isang coffee shop na nadaan kanina at pilit na iwinaksi sa kan'yang isip ang imahi ng magandang babae na nakabangga.

Kinabukasan ay ipinatawag s'ya ng kan'yang ama. Nag-usap silang muli at tulad ng nangyari kahapon ay hindi naman sila nakapag-usap ng matino dahil mas marami pa ang sigawan at bangayan nila kaysa sa matinong pag-uusap.

Ngayon ay iginigiit nitong muli ang pagpapakasal sa anak ng ka sosyo nito sa negosyo na hindi n'ya naman kilala. Bwesit na bwesit s'ya dahil sa ginagawa ng ama kung kaya nagpasya s'yang umalis kinagabihan para puntahan ang kan'yang kaibigan na si Adam sa hotel nito.

Gusto n'ya ng kausap para may mapaglabasan s'ya ng kan'yang hinanakit. Tinawagan n'ya ang pinsan na si Henry ngunit nasa Europe ito at may tinatrabaho na misyon.

Mabuti sana kung misyon talaga pero alam n'ya naman na babae ang tinatrabaho nito sa Europa.

Lumabas s'ya ng bahay at nagmaneho patungo sa hotel ng kaibigan. Alam n'ya na sa mga oras na ito ay nasa hotel pa rin si Adam at nagtatrabaho.

Kasosyo ng Carson Engineering ang Evans Architectural Firm pati na ang Lewis Construction kaya wala s'yang takot na kahit hindi n'ya pamahalaan ang kompanya ng ama ay hindi ito lulubog dahil sa dalawang malalaking kompanya na nakaalalay rito at mga kaibigan n'ya pa.

Hindi n'ya alam kung may alam ba ang ama na magkaibigan sila at magkakilala ng may-ari ng dalawang malalaking kompanya na nakipag tie up dito.

Gusto n'ya na sa America na mamalagi at asikasuhin ang sariling negosyo ngunit panira ng buhay ang kan'yang ama at pinauwi s'ya dito sa Pilipinas para sundin ang mga pinapagawa nito sa kan'ya.

Ginawa s'ya nito na parang aso na pinapasunod sa mga gusto nito.

Nagtagis ang kan'yang mga bagang at naikuyom ang mga kamao dahil sa inis sa sariling tatay.

Hindi n'ya na namalayan na nakarating na pala s'ya sa Evans Hotel. Tumigil muna s'ya sa entrance banda para tawagan sana ang kaibigan ngunit nagulat na lang s'ya ng biglang may nagbukas ng pinto ng kan'yang kotse at pumasok ang isang babae na umiiyak.

Sinipat n'ya ito sa salamin at biglang kumabog ang kan'yang dibidib ng makilala ang babaeng walang pasubaling sumakay sa kan'yang sasakyan.

"Manong pakihatid po ako sa bar, yong malayo po rito, please manong, ilayo n'yo po ako rito, please," umiiyak na pakiusap ng babae sa kan'ya. Sa hitsura nito ay mukhang malaki nga ang dinadala nitong problema ngayon at hindi n'ya maintindihan ang sarili habang palihim na nakatingin sa babaeng umiiyak.

Nakaramdam s'ya ng hindi maipaliwanag na galit sa taong dahilan ng pag-iyak ng dalaga.

"Please manong," muling pakiusap nito habang humahagolhol. Gusto n'ya sanang sawayin ito sa pagtawag sa kan'ya na manong ngunit sa nakikitang hitsura nito ngayon ay mukhang hindi ito makakausap ng matino kaya nanahimik na lamang s'ya at nagmaneho patungo sa bar na alam n'ya.

Nagulat din s'ya sa kan'yang sarili na napasunod s'ya ng babae at ngayon ay ipinagmaneho na ito patungo bar.

Panaka-naka n'yang sinisilip ito mula sa salamin at ganon pa rin ang sitwasyon nito sa likod. Walang tigil ang iyak nito na mas lalo n'yang ikinagalit sa taong may gawa nito sa babae.

Makalipas ang ilang minuto ay narating nila ang bar. Huminto s'ya sa harapan at akmang pagsabihan ang babae ngunit mabilis nitong inabot sa kan'ya ang isang papel na pera at nagpasalamat sabay bukas ng pinto at dali-daling lumabas.

Napatingin s'ya sa inabot nitong pera at mahinang natawa sa sarili.

"Fvck! I can't believe na nagawa ko ang maging isang uber driver," natatawang sabi n'ya sa sarili sabay iling dahil sa kan'yang kalokohan.

May bumusina sa kan'yang likod kaya pinausad n'ya ang sasakyan patungo sa car park sa di kalayuan. Itinigil n'ya muna ang sasakyan sa bakanteng parking space at nag-isip.

Ang iniisip n'ya ay ang dalaga na nasa loob na ng bar ngayon. Paano kung magpakalasing ito at e take advantage ng mga lalaki?

Sa sitwasyon nito ngayon ay alam n'yang wala na itong pakialam pa sa sarili. Dahil sa isiping iyon ay mabilis n'yang binuksan ang pinto at lumabas ng sasakyan.

Naglakad s'ya patungo sa entrance ng bar at pumasok sa loob at agad na hinanap ang babae.

Ngayon lang s'ya nakaramdam ng ganito. Ang mag-alala sa isang babae na hindi n'ya nga kilala kahit ang pangalan.

At hindi din s'ya nito nakilala kanina pero ano itong ginagawa n'ya sa loob ng bar? Sinundan n'ya ang babae dahil nag-aalala s'ya rito na malasing ito at pagsamantalahan ng iba.

"Damn you Brook! Anong ginagawa mo?" lihim na kastigo n'ya sa sarili habang inilibot ang tingin sa loob ng bar.

Puno ng tao ang paligid kaya nahihirapan s'ya na hanapin ang dalaga ngunit hindi s'ya sumuko.

Sumiksik s'ya sa mga tao at nagtungo sa bar counter at nakahinga s'ya ng maluwag ng mamataan ang babae na nakaupo sa bar at umiinom.

Mag-isa lang itong umiinom at mukhang walang pakialam sa paligid nito. Nakayukyok ang ulo ng babae habang hawak ang kopita na may lamang alak.

Nagbuga s'ya ng hangin at nag-ipon ng sapat na lakas para lapitan ang dalaga.

"Damn it! Bakit ba ako umuurong sa ganitong bagay? I am not like this man! Bakit ngayon ay parang takot na takot ako? Fvck!" kastigo n'ya sa sarili ng mapansin ang inaasal.

Ipinilig n'ya ang ulo at naglakad patungo sa bar counter kung saan nakaupo ang babae. Umikot s'ya sa kabilang side at naupo paharap sa dalaga.

Mataman lang s'yang nakatingin rito at hindi alintana ang tanong ng bartender sa kan'ya kung ano ang kan'yang order.

Mukhang nararamdaman naman ng dalaga na may tumitingin dito dahil nag-angat ito ng ulo at deritsong tumingin sa kan'yang kinaroroonan.

Nagsalubong ang kabilang mga mata at sa oras na iyon ay nararamdaman n'ya ang malakas na kalabog ng kan'yang dibdib na ngayon n'ya lang naramdaman sa tanang buhay n'ya.

He's thirty two years old pero never pa s'yang nakaramdam ng ganitong klaseng pakiramdam para sa isang babae.

And he admits that she has the most beautiful face he's ever seen. Nakakaakit ang ganda ng mukha nito at hindi nakakasawang tingnan.

Maamo at napakabait ng mukha ng dalaga ngunit mapang-akit lalo na ang mapupula at manipis na labi nito na kanina n'ya pa gustong halikan.

"Sir what's your oder?" nagbalik lang s'ya sa kan'yang sarili ng marinig muli ang tanong ng bartender.

"Macallan on the rock please," sagot n'ya sa lalaki. Agad naman itong tumalima para ihanda ang kan'yang order.

Ibinalik n'ya ang tingin sa babae at nakita n'yang nagpapahid ito ng luha. Bigla na namang nabuhay ang galit n'ya sa taong nagpaiyak dito.

"Macallan on the rock sir," pukaw ng bartender sa kan'ya sabay lapag ng shot glass na may lamang alak sa kan'yang harapan.

Dinampot n'ya ang naturang bason at tumayo para lapitan ang dalaga. Wala na s'yang pakialam kung ano ang iisipin nito. Naupo s'ya sa tabi nito na ikinaangat ng tingin ng babae ng maramdaman ang kan'yang presensya.

"Hey! Isa ka din ba sa mga lalaking paasa at manloloko?" tanong nito habang namumungay ang mga mata na nakatingin sa kan'ya. Sa nakikita n'ya rito ay hindi ito sanay na uminom kaya mabilis lang ito na nalasing.

Sa uri ng tanong ng babae ay may ideya na s'ya kung bakit ito umiiyak at naglasing. Wala sa sariling naikuyom n'ya ang mga palad dahil sa galit na nararamdaman sa lalaking nanloko rito.

"Kung sinoman ang taong nanloko sayo, he is an idiot, a dick! A woman like you ay inaalagaan at tinatrato na parang prinsesa at hindi pinapaiyak o sinasaktan ng ganito," seryosong sabi n'ya sa babae. Nabigla din s'ya sa kan'yang sarili dahil sa pagsasalita ng ganon sa babae na ngayon ay mataman na nakatingin sa kan'ya.

Ngunit ang mas na ikinabigla n'ya ay ang pagtaas ng kamay nito at hinaplos ang kan'yang pisngi. Ilang boltahe ng kuryente ang lumukob sa kan'yang katawan ng magdampi ang balat nito sa kan'yang balat.

Mariin s'yang napapikit at ninamnam ang init na nagmumula sa palad ng dalaga.

"You're a good man Mr. Ang swerte ng babaeng mamahalin mo," paos ang boses na sabi nito. Itinaas n'ya ang kan'yang kamay at ipinatong sa kamay ng babae na nasa kan'yang pisngi.

"Call me Brook baby, and about what you said— I think I found her!" sagot n'ya at nagmulat ng mga mata. Nagsalubong ang kanilang mga tingin dahil mataman din pala itong nakatingin sa kan'yang mukha.

"Can I kiss you?" hindi napigilang tanong n'ya rito.

"Why?" mahinang tanong ng dalaga sa kan'ya.

"I want to taste your beautiful lips. I wa—," hindi n'ya na natapos ang gustong sabihin dahil agad na tinawid ng babae ang kanilang pagitan at ito na mismo ang humalik sa kan'ya.

Hindi s'ya nakahuma sa umpisa dahil sa pagkagulat ngunit ng mahimasmasan ay agad na pumulupot ang kan'yang braso sa bewang nito at kinabig ito palapit sa kan'yang katawan habang magkahinang ang kanilang mga labi.