DEAL WITH THE TYCOON BILLIONAIRE C79

CONNOR CAYDEN...

Nagbuga s'ya ng hangin at tumayo. Tinawag na s'ya ng kasambahay ni JM na kakain na. Pagtingin n'ya sa orasan ay limang minuto na lang bago mag alas sais.

Napailing na lamang s'ya dahil may pagka strikto pagdating sa oras ang asawa. Kapag sinabi nitong alas sais, kailangan na alas sais ay nasa harapan ka na nito.

Inayos n'ya ang sarili at nagpasyang lumabas ng silid na ibinigay sa kan'ya kanina ng assistant nito. Naglakad s'ya sa hallway patungo sa elevator.

Yes! May sariling elevator ang bahay ng asawa. Namulat s'ya sa marangyang buhay at ang ganitong karangyaan ay hindi na bago sa kan'ya ngunit hindi n'ya pa rin maiiwasan ang mamangha at malula sa kan'yang mga nakikita.

Pumasok s'ya sa loob ng elevator at pinindot ang level one kung saan ay naroon ang dining area. Hindi naman nagtagal at tumunog ang elevator tanda na nasa unang palapag na s'ya ng bahay.

Bumukas ang pinto at bumungad sa kan'ya ang dalawang kasambahay na naghihintay sa labas. Nang makita s'ya ng mga