BILLIONAIRE'S FATE CHAPTER 11

CHARLES MALCOLM...

Dinaig n'ya pa ang isang teenager habang nagbibihis. Kanina pa s'ya papalit-palit ng damit at ang daming mga damit ang nagkalat sa ibabaw ng kan'yang kama.

Nang sa wakas ay may napili din s'ya kaya agad s'yang nagbihis dahil baka ma-late na s'ya sa usapan nila ni Dee.

Sa isang restaurant nila napagkasunduan na magkita. Gusto n'ya sanang sunduin ito ngunit inayawan ng dalaga at sinabi na doon na lang daw silang dalawa magkita.

At kahit na ayaw n'ya ay pumayag na lang s'ya. Mas mainam na iyon kaysa walang dinner na magaganap.

Pagkatapos n'yang mag-ayos at naging parang mukhang tao na s'ya ay lumabas na s'ya ng kan'yang silid. Dinaanan n'ya ang susi ng kan'yang sasakyan at lumabas ng bahay.

Dumiretso s'ya sa garahe at agad na binuksan ang sasakyan na gagamitin. Tumunog ito at nagkusang bumukas ang pinto paitaas.

Pumasok s'ya sa loob at agad na pinaandar ang sasakyan. Naghintay muna s'ya ng ilang segundo para e-warm up ang sasakyan bago ito pinaharurot paalis.