Chapter 24

Aurelia's POV

"MARAMING salamat, Ms. Medija hindi nga kami nagkamali sa pagkuha sa 'yo bilang isa sa mga nagde-design ng ipapatayo naming building.

Napangiti ako at tumayo, tinanggap ang pakikipag kamay nila. "Salamat din Mr. Flores at Engineer. Klarino, salamat at ako ang napili n'yo na nagde-design ng isa sa mga ipapatayo nyong establishments, it's my pleasure to be part of your project," pasasalamat ko, hindi mapawi ang ngiti sa labi ko.

Dalawang Linggo pa lang mula na bumalik ako sa Pilipinas ay marami na 'kong natatanggap na tawag, gusto akong kunin para isa sa mga nagde-design ng business building at iba pa related sa pagde-design, houses, restaurant, business building, resort. Pinag-aaralan ko muna at nagbibigay naman sila ng feedback tungkol sa ipinapatayong establishment.

Nang makauwi ako sa bahay agad na sumalubong ng isang mainit at mahigpit na yakap sa akin ang anak ko.

"Mama, ang tagal mo po, miss na kita agad!" malambing na saad niya habang nakayapos ng mahigpit sa akin.