Chapter 87

"Rachelle," tawag ni mama Lorelay sa akin. Lumingon ako sa kaniya.

"Bakit ma?"

"May gagawin ka ba mamaya? Samahan mo 'ko kay Rico,"

Naisip ko agad ang mga reviewer. Kailangan ko pang mag-aral ulit at gumawa ng performance task but minsan lang naman mag-aya si mama.

"Sige po ma," sagot ko habang nilalabas sa ref ang karne at spam.

"Aalis kayo lola? Can I come?" biglang sulpot ni Timber. Itong batang ito parang kabute. Bigla nalang sumusulpot.

"Yes apo. Pupunta kami sa papa mo. Hindi ba may lakad kayo ni lolo mamaya?" pinanonood ko ang reaction ng anak ko at bahagyang natawa nang makita ang reaction sa mukha niyang nagulat.

Nakalimutan niya siguro na may lakad sila ng lolo niya ngayon. Pinangakuan sila ni Mr. Shein na papasyal sila zoo mamaya. Sila lang maglolo.

"Ay oo nga pala. I forgot," aniya at humagikgik.

Napailing ako sa kaniya. "Why are you here? You need something?" tanong ko habang nakatingala sa aparador para kunin ang ibang ingredients na kailangan ko.

"Mama, wal