Kabanata 12 Itapon mo

Madalas itong nangyayari nung bata palang si Arianne, pero hindi niya masyadong matandaan ito dahil awkward ito para sa kanya.

Dahil malapit siya kay Mark Tremont, naamoy ni Arianne ang tobacco na bumabalot sa kanyang katawan at naamoy niya rin ang bakas ng… alak– nakainom na naman siya!

"Wala na si Will Sivan, sino na naman 'to? Hanggang sa huli, magkasama tayong tatanda… sabihin mo sa akin kung sino ang nagbigay nito sayo." Nakakasindak na sinabi ni Mark Tremont.

Hindi makasagot si Arianne Wynn sa sobrang takot.

Si Mark Tremont mismo ang dahilan kung bakit umalis si Will Sivan. Ano na lang ang mangyayari sa kanya kung sasabihin ni Arianne na galing kay Will Sivan ang regalo?

Kaya naisip ni Arianne na hindi sabihin kay Mark Tremont na si Will Sivan ang nagbigay nito sa kanya.

"Hin… hindi ko alam…"

"Hindi mo alam? Bakit mo tinatago kung hindi mo alam? Ari… pasaway ka na naman…" Nakahawak ang kamay ni Mark Tremont sa balakang ni Arianne at humigpit ang hawak niya dito nang magsalita siya.

Kinakabahan si Arianne Wynn at hindi niya alam kung hanggang kailan siya magsisinungaling. "Hindi ko talaga alam…"

Hindi na nangulit si Mark Tremont, binaon niya ang kanyang ulo sa leeg ni Arianne at inamoy niya ito. "Alam mo na ang mangyayari kapag nangyari ulit 'to."

Hindi niya pinaalis si Arianne, maingat niyang pinadaan ang malambot niyang mga labi sa leeg at braso ni Arianne.

Nabulabog ang isip ni Arianne. Para sa kanya, mangyayari lamang ito kapag gusto mo ang isang tao.

Galit si Mark Tremont sa kanya, pero bakit niya ito ginagawa?

Gayunpaman, nanatiling walang kibo si Arianne at sumusunod lamang siya kay Mark Tremont. Hindi niya sinubukang sumuway sa lalaking ito.

Akala ni Arianne ay ipapagpatuloy ni Mark Tremont ang ginagawa niya, pero bigla siya nitong tinulak.

Hinahabol ng lalaki ang kanyang hininga na parang pinipigilan niya ang kanyang sarili.

Nagtatakang nakatingin sa kanya si Arianne. Hinihintay niya kung anong susunod na gagawin sa kanya ni Mark Tremont.

Kinuha ni Mark Tremont ang mga regalo at inabot niya ito kag Arianne. Maririnig ang boses niyang nakakatakot, "Itapon mo 'yan."

Sumimangot si Arianne. Gusto ba ni Mark Tremont na itapon niya ang mga ito gamit ang sarili niyang mga kamay?

"Uulitin ko pa ba ang sinabi ko?" Sumimangot si Mark Tremont, makikita sa kanyang mga mata na sasabog na siya.

Hindi na nagdalawang isip pa si Arianne. Mabilis niyang kinuha ang regalo at tinapon niya ito sa basurahan.

Pagkatingin niya sa kanyang likuran, nabigla siya sa nakita niyang ngiti sa gilid ng labi ni Mark Tremont.

Kinabukasan, late nang nagising si Arianne nang dahil kay Mark Tremont.

Kagabi, walang nangyari sa kanila ni Mark Tremont. Maliban na lang ang paghalik niya sa leeg ng dalaga. Sobrang nagtaka si Arianne sa pangyayari na iyon.

Naghihintay sa may pintuan si Butler Henry. "Miss, ako ang maghahatid sayo sa school. Tinapon na ni sir ang… bisikleta mo."

Walang sinabi si Arianne. Masisira na rin naman ang bisikleta niya at oras para itapon ito.

Malapit na sa campus ang kotse, kaya sinabi ni Arianne kay Butler Henry na ihinto ang kotse.

"Pwede mo na akong ibaba dito, Tito. Ilang metro na lang naman ang layo nito sa campus. Maglalakad na lang ako." Nag-park sa gilid si Butler Henry.

"Mag-ingat ka pala. Tawagan mo ako kapag tapos na ang klase mo. Susunduin kita."

Napaisip si Arianne. "Dito mo ako hihintayin pagkatapos ng klase ko. 'Wag kang mag-park malapit sa campus gate."

Ayaw niyang malaman ng kahit sino ang relasyon nila ni Mark Tremont. Malaking kahihiyan ito para kay Mark Tremont.

Pagkarating ni Arianne sa gate, nakita niya si Tiffany na naghinihintay sa gate, ugali na niyang hintayin ang kayang kaibigan araw-araw. "Bakit ka late?"

"Late na ako nagising," simple lang ang sagot ni Arianne. Pinatong ni Tiffany ang kanyang braso kay Arianne, tulad ng lagi niyang ginagawa, at sinabayan niyang maglakad ang kanyang kaibigan.

"Parang ngayon ka lang na-late magising. Na-late din tuloy ako kakahintay sayo." Sabi ni Tiffany.

Magsasalita na sana si Arianne Wynn nang biglang sumakit ang kanyang tiyan.

Nakita ni Tiffany na may nangyari kay Arianne kaya hinila niya ito sa kanya. "Anong problema?"

"Wala." Umiling si Arianne.

"Sure ka? Gusto mong ipa-check ‘yan sa clinic?"

"Wag na, late na rin tayo, eh. Bilisan na natin, tara." Umiling na lamang si Arianne at nagmadali siyang pumunta sa studio habang hinihila niya si Tiffany.

Pagkarating nila sa studio, basang-basa ng pawis si Arianne dahil sa sakit na nararamdaman niya sa kanyang tiyan.

Tiningnan siya ng masama ng tutor. "Alam niyong may klase pero late kayo. Tumayo muna kayo diyan."