CHAPTER 3

ELIANA SIOBE...

Namangha s'ya sa hitsura ng kwarto ng lalaki ng makapasok. Sobrang laki nito ay lalaking lalaki ang interior sa loob mula sa kulay ng pintura hanggang sa mga gamit.

Simply lamang ang loob at walang masyadong mga gamit. At sa tingin n'ya ay mas gusto ng lalaki na malaki ang space kaya kaunting kagamitan lamang ang makikita sa loob ng silid nito.

Napatingin s'ya sa kama na nasa gitna. "Aba ang laki ng kama! Kahit siguro tumuwad or mag backdive ako dito ay hindi ako mahuhulog. Aisshhh! Helicopter na this," malokong sabi n'ya at sinundan ng hagikhik.

Kulay abo ang mga beddings, carpeted ang sahig at may malaking tv at mesa sa gilid na sa tingin n'ya ay working table ito ng lalaki. Meron ding sofa sa gilid kung saan ay pwede kang maupo kapag mabuod ng television. Minimalist ang style ng kwarto pero yayamanin ang dating.

"So...., madam welcome to Sir Drake Lucas humble nest" basag ni Cassandra sa pananahimik n'ya. Hinatid s'ya nito sa kwarto ng lalaki.

"Feeling close naman ang babaeng ito na may airport na noo! Kaloka..." lihim na sabi n'ya sa sarili at nilingon si Cassandra sa kan'yang likuran.

"Anong pangalan ng boss mo? At anong tawag mo dito nest?" tanong niya.

"Drake Lucas Toretto ang pangalan ni sir, madam. Oh diba, yayamanin din ang pangalan at pareho kami," natawawang sagot nito. Inirapan n'ya ito at hindi alintana kung makikita ng babae ang katarayan n'ya.

" At oo, nest ang tawag ko dito. In Tagalog ay pugad. Pugad ni sir Drake, na may cock este ang lalaking birdie at ikaw naman ang babaeng birdie dahil ikaw ang mangingitlog pagkatapos mong tukain ang itlog ni sir," bungisngis na sagot nito sa kan'ya.

Pinitik n'ya ang noo ni Cassandra dahil sa mga pinagsasabi na mga kabaliwan. Akala n'ya ay s'ya lang ang baliw pero mukhang mas malala pa ito sa kan'ya.

"So ang tingin mo sa akin ay inahin? Na nangingitlog? Hambalusin kita d'yan eh," banta n'ya sa babae.

"Madam naman eh, syempre joke lng yon. And by the way, highway..., wala ka pang mga gamit dito pero narinig ko kahapon na nagpa-order na si sir ky miss Maellyn ng mga gamit pambabae para sayo."

Nagulat s'ya sa nalaman. Ibig sabihin ay pinagplanuhan na talaga ng hudyong iyon ang pagdala sa kan'ya sa pamamahay nito. Dahil sa naisip ay tumaas ang kan'yang kilay sa narinig at napaisip kung sino si Maellyn.

"Who's Maellyn?" na curios s'ya kung bakit ito ang inutusan na mag order ng mga gamit n'ya.

"Oh..., that woman named Maellyn is sir's Drake secretary, madam. At eto pa..., may chika ako sayo ha. M*****a yang secretary ni sir kapag wala si sir sa paligid. Makautos 'yon sa amin ay akala mo asawa s'ya ng boss. At tsaka sa palagay ko ay may gusto ky sir yon kasi iba kung makatingin. Kaya sinasabi ko sayo madam, mag ingat ka sa babaeng iyon. Kapag nakita mo s'ya o pupunta s'ya rito ay kailangan ipakita mo na sa kan'ya ma hindi ka basta-basta matitinag sa pa arko-arko ng kilay n'yang nasobrahan sa ahit," mahabang chismis nito sa kan'ya tungkol sa sekretarya ng amo.

"M*****a ba yon? At tsaka bakit n'ya kayo inuutosan, eh hindi naman s'ya ang boss n'yo. Utusan lang din naman s'ya ng boss ninyo ah, so pareho lang kayo dapat," komento n'ya sa lahat ng sinabi ng babae.

"Yon na nga madam eh! Pero grabe talaga makautos ang isang iyon. Siguro nagpa-practice na dahil baka feeling n'ya ay papatulan s'ya ni sir at gagawing asawa. Kunyari..., kapag nand'yan si sir ay sobrang bait ng mukha n'ya at mala- birhen hiroshima pero kapag wala si sir ay mas masahol pa s'ya kay Rizalyn na maria santita!"

"Hayaan niyo na simula ngayon ay hindi na makakaporma ang Maellyn na yon. Dadaan muna siya sa ibabaw ng aking alindog at mala dyosang katawan in inglish "Over my dead body".

"Ay bongga! Gusto ko yan, madam," sang-ayon naman ni Cassandra sa sinabi n'ya.

"Teka nga lang! Bakit parang narinig ko na ang linyang iyon? Kanino nga linyahan 'to ah? Ah...! Alam ko na— kay Diego de siopao pala, yong asawa ni Siobe de siomai. Ay! P*****a.., bakit kapangalan ko? Mabuti na lang hindi tunog pagkain ang apelyedo ko dahil baka mapagkamalan pa kaming magkamag anak na tatlo," wala sa sarili na sabi n'ya ng may maisip na kaparehong pangalan ng sa kan'ya.

"Ay mabuti naman madam kung ganon at matagal na akong nanggigil sa babaeng iyoon. Hindi lang ako makaporma dahil takot din akong mapagalitan ni sir Drake, no! Atleast ikaw ay may karapatan kang hambalusin ang babaeng iyon," solsol pa ng kausap. Napailing na lamang s'ya habang nakatingin sa mukha ng babae.

"Ako ang bahala! Yakang-yaka ko ang Maellyn na yon! Paweeerr..!!"

"Pawweerrrr," segunda ni Cassy bago nagpaalam.

"Lalabas na ako madam. Maghahanda pa kami ng hapunan n'yo, kung may iuutos ka ay mayroong intercom dito. Iyong telepono sa gilid ng kama n'yo, pindutin mo lang ang numero uno at diretso na yan sa kusina. Hindi mo na kailangan pang bumaba. Tumawag ka lang at kami na ang aakyat dito," mahabang bilin sa kan'ya ng babae bago lumabas ng silid ni Drake.

Umalis na si Cassandra sa kwarto kaya naiwan s'yang mag-isa. Naupo s'ya sa sofa at nilibot ang mata sa kabuoan ng silid. Nakita n'ya ma may balkonahe sa gilid at kung hindi s'ya nagkakamali ay nakaharap iyon sa likod. Gusto mang silipin ngunit nakaramdam s'ya ng panlalagkit ng katawan kaya naisipan n'yang maligo.

Tumayo s'ya at sinilip ang banyo para lang matulala sa kung ano ang mayroon sa loob.

May malaking bagay na parang palanggana o batya sa loob at hindi n'ya alam kung ano ang tawag sa bagay na ito. Ang laki nito ay kakasya ang dalawang tao.

"Oh! Hooooly mother of Siobe, magsu-swimming ba kami dito? Huwag naman sana papa G at baka dito kami magsisiran sa loob na dalawa ni Drake. Pero ayos lang naman sa akin, gusto ko din naman na masisid," parang baliw na sabi n'ya na agad ding kinastigo ang sarili ang maalala ang mga pinagsasabi.

"Ay naku, ang harot natin self. Baka hanggang harot ka lang at hindi mo naman kakayanin," sermon n'ya sa sarili.

Kumpleto ang loob ng banyo. Sobrang linis din nito at sobrang kintab ng mga tiles mula sa pader hanggang sa sahig.

Parang ayaw n'yang apakan ang sahig dahil baka madumihan n'ya. Nakakahiya naman kay Drake. Nakita niya ang shower at hindi na s'ya nakatiis pa. Sobrang init na ng pakiramdam n'ya kaya bahala na si batman at superman, isama na rin si captain america at ang buong team ng marvel hero pero maliligo na talaga s'ya.

Hinubad n'ya ang lahat ng saplot sa katawan at pumasok sa shower room. Pagkabukas n'ya ay ang maligamgam na tubig ang bumagsak sa kan'yang katawan.

"Hmmmmmm! Ang sarap ng tubig! Ang sarap din kapag may ganitong buhay at karangayaan. Sa bahay kasi ay nag-iinit pa ako ng tubig para lang makaligo ng warm water pero dito pagbukas mo ng shower ay maligamgam na agad ang lumalabas. What a life na lang talaga kapag mayaman ka! Sana all.."

Madali lang siyang naligo at lumabasdi agad. May nakita s'yang roba na nakasabit at natukso s'yang gamitin ito.

"Hindi naman siguro magagalit si simba kung hihiramin ko ito. Ah..., bahala s'ya sa buhay n'ya, kasalanan n'ya din naman kasi dinala n'ya ako rito na katawang lupa lang ang tanging dala ko," pabulong-bulong na sabi n'ya.

Kinuha n'ya ang tuwalya at pinunasan muna ang kan'yang katawan bago sinuot ang roba na nakita. Ginamit n'ya din ang tuwalya para patuyuin ang kan'yang buhok.

Nang masiguro na tuyo na ay lumabas na s'ya ng banyo. Nakita n'ya na may isang pinto sa gilid kung kaya't binuksan n'ya ito at tumambad sa kan'ya ang walk-in closet ng lalaki. Ngiting tagumpay s'yang pumasok sa loob.

Naghanap s'ya ng pwede n'yang isuot dahil wala s'yang dalang damit. Kumuha s'ya ng t-shirt at boxer ng lalaki at mabuti na lang ay pinagpala ang pretty bum-bum n'ya kaya medyo masikip pa ang boxer ng lalaki sa kan'ya.

Isinuot n'ya ito kasama na ang t-shirt na nagmukhang daster sa kan'ya dahil sa sobrang laki nito. Mas pabor sa kan'ya ang malaki dahil matatakpan ang mga hita n'ya.

Pagkatapos n'yang magbihis ay nagsuklay na din s'ya ng buhok at nagpasyang bumaba. Medyo gutom na din kasi s'ya at naririnig n'ya na ng pagreklamo ng kan'yang t'yan.

Naabutan n'ya sina Cassandra, Rizalyn at Michelle na gumagayat ng mga lulutuin para sa haponan.

"Hi mga mare, anong ganap?tanong n'ya sa tatlo sabay upo sa mataas na upoan sa kitchen counter at nangalumbaba na humarap sa mga ito.

"Madam! Ikaw pala yan? May kailangan ka ba? Sana tumawag kana lang," si Cassandra sa kan'ya.

Nakanguso n'ya itong tiningnan "Anong akala mo sa akin? Walang paa na hindi marunong bumaba dito? At tsaka..., tigilan n'yo nga ako sa pa ganyan-ganyan n'yo at hindi ako ang amo n'yo rito? Walang special treatment dapat," saway n'ya sa babae dahil sa tawag nito sa kan'ya na madam.

"Ay te iba itong si madam. Hindi katulad ng Maellyn na yon na hindi pantay ang kilay pero apaka ano kung makautos. Akala mo naman ay asawa ni sir," reklamo ni Michelle.

"Oo nga noh? Naku kapag ako ay hindi nakapagpigil ay kakalbohin ko ang babaeng 'yon," segunda naman ni Cassandra. Si Rizalyn ang medyo tahimik sa tatlo.

"Hoy, ikaw Michelle umayos ka nga! Huwag mong ibuhos ky Maellyn ang galit mo ky Dominic. Bumalik ka na doon sa dagat," natatawang sabi ni Rizalyn dito. Nakikinig lang s'ya sa bangayan ng tatlo habang naghihiwa ng mga lulutuin.

"Alam mo kasi te,sa dinami dami ng itlog sa mudo ay yan pang itlog ni Dominic ang nilaplap mo. Eh, may inahin na pala yon at mga sisiw 'yon."

Nakikinig lang s'ya sa mga ito dahil hindi n'ya naman kilala kung sino ang pinag-uusapan ng tatlo.

"Eh hindi ko naman alam na may asawa na pala ang gagong 'yon. Alam n'yo naman na marupok ako. Sa mga ugat pa lang ni Dominic sa kamay ay nanghihina na ako, sa malaking ugat pa kaya na pumapasok sa kweba ko," pairap na sagot ni Michelle sa mga ito.

Binatukan ito ni Cassandra na ikinaangal naman ng huli. "Eh gaga ka pala eh! Sana tumigil ka na noong nalaman mo na may asawa na pala s'ya. Hindi ka ba natatakot? Ang pangalan ng asawa ng lalaking iyon ay santa Isabelle, masyadong relihiyosa te at malapit kay san Perdro 'yon kaya panigurado na sa langit ang punta noon, at ikaw naman ay minus ten ka na sa langit kaya doon ka na sa empyerno!"

"Eh bakit naman s'ya matatakot? Eh sa banal din naman ang pangalan n'yan, mare. Akalain mo "Maria", oh diba banal? Maria Ozaka nga lang," si Rizalyn at sinundan ng isang tawa.

Hinampas ito ni Michelle ng sitaw sa mukha kaya napa- aray ito at tiningnan ng masama si Michelle na ngayon at nakangisi na dahil nakaganti na din sa dalawang babae na nang-ookray dito.

"Ganyan talaga ang buhay parang life.Basta ang importante ay mahalaga at kung saan ka masaya ay doon ka happy. Huwag ka ding maniniwala sa swerte at malas yon. Kung hindi mo kaya, ipagawa mo sa iba, at minsan ay sometimes kaya matuto tayong tumanggap ng acceptance. Halimbawa for example ang baby ay sanggol kapag hindi mo iintindihin, you don't understand basta kaibigan lagi mong tatandaan that wherever you go, you are there. And at the end of the day ay gabi na, walang umaga at gabi sa Japan kase lahat sila ay hapon," mahabang sabi ni Cassandra na ikinabunghalit nila ng tawa na pati s'ya ay nahawa na din sa kalokohan ng mga ito.

"Magluluto na nga lang tayo at baka maabutan pa tayo ni Ssr Drake. Malilintikan pa tayo...Ikaw madam, gusto mo ba ng merienda? Gawan kita," tanong ni Michelle sa kan'ya.

"Huwag na, ako na lang. Kaya ko naman ang sarili ko at pwede ba na ako magluto ng haponan natin ngayon?Gusto ko sana ipagluto si DL," pakiusap n'ya sa mga ito na parehong nagsalubong ang mga kilay.

"Sino si DL, madam? panabay na tanong ng tatlo sa kan'ya.

"Sino pa nga ba? Eh di si Drake Lucas. DL for short! Ang hina n'yo namang tatlo..., ang lakas n'yong maki-marites pero hindi n'yo agad na gets kung sino si DL? pairap na sagot n'ya sa mga babae na sabay-sabay na napasinghap ng marinig ang kan'yang sinabi.