CHAPTER 83: TAKING OFF SHE WAS WEARING

"Bakit ayaw magbukas?" inis na sabi ni Haven habang walang humpay niyang binuksan ang kalan.

Hindi naman kaya naubos na ang gasul?

Bakit ba palagi nalang nauubos ang gasul sa mga isla? Gaya na lang noong nasa isla sila na kasama sina Eloise at Daniel. Naalala na naman niya iyon noong nagsukatan ng suntok ang dalawa.

Iwinaksi niya ang ala-alang iyon. Hindi na dapat niya muling maalala iyon.

What now? Nasa kalagitnaan pa naman siya ng pagluluto.

Lumabas siya ng kusina at tinungo ang balkonahe. Tanaw na tanaw niya si Aries mula sa pangpang. Habang nakaupo ito sa bench sa ilalim ng mga puno ng niyog at nakatanaw din sa lawak ng dagat.

Apat na araw na sila ni Aries sa isla at sa mga apat na araw na iyon ay naging casual lang ang pakikitungo nila sa isa't-isa.

Pakiramdam niya sumusuko na si Aries at marahil mare-realize nito na hindi talaga sila pwede.

Mabilis ang mga hakbang niya na lalapitan niya si Aries sa kinaroroonan nito.

"Aries," tawag niya dito nang tuluyan na siyang makalapit.