Consultant Turned Contracted Wife
Matapos madiskubre ang pagtataksil ng nobyo, si Selena Payne ay nagpakalunod sa alak, isang gabing puno ng pait, galit, at isang hindi inaasahang pagkakamali. Sa ilalim ng impluwensiya ng alak, hindi niya naisip na mauuwi ito sa isang isang-gabing pagnanasa kasama ang isang estranghero.
Nagising siyang walang saplot, puno ng marka ng gabing hindi niya matandaan, at may isang pangyayaring hinding-hindi na mababawi. Ang akala niya, madali na lang kalimutan ang lahat at magpatuloy sa buhay. Pero hindi ganoon kadali ang tadhana.
Dahil sa isang napakapait na biro ng pagkakataon, ang bagong kliyente niya ay walang iba kundi ang lalaking nakasama niya noong gabing iyon, Axelius Strathmore, ang tagapagmana ng pinakamayamang pamilya sa bansa.
Bilang isang dating consultant, tungkulin ni Selena na tulungan si Axel makahanap ng babaeng pakakasalan. Pero sa isang hindi inaasahang twist, siya mismo ang inalok nito ng kasal.
Isang taong kontrata. Isang kasal na walang emosyon, walang pag-ibig, isang pormalidad para sa parehong interes nila. Pagkatapos ng isang taon, pwede na silang maghiwalay, bumalik sa kani-kaniyang buhay na parang walang nangyari.
Pero isang lihim ang hindi alam ni Selena. Binago ni Axel ang kontrata. Dahil natuklasan nitong nagdadalang-tao siya.
Buo na ang desisyon ni Axel na sa kabila ng walang pag-ibig sa pagitan nila, gagawin niya ang kanyang responsibilidad at aakuin ito.
Ang kasinungalingan na sinabi ni Axel ay unti-unting nabago nang mas makilala nila ang isa't isa. May namumuo sa pagitan nila sa paglipas ng araw.
Read
Chapter: Chapter ElevenNgunit sa halip na magpatalo, matalim niyang tinitigan si Heather, ang malamig niyang tingin ay tila isang babala.“Labas,” madiin niyang sabi.Nagulat si Heather. Akala niya ay iiyak at mawawasak si Selena, isang eksenang nais niyang makita. Pero taliwas ito sa kanyang inaasahan.“Layas!” madiin niyang ulit, mas matigas at puno ng galit ang boses.Napakurap si Heather, pero mabilis nitong binawi ang pagkabigla. Hindi na siya nagsalita pa at agad na tumalikod. Lumabas siya ng bridal suite na may lihim na ngiti sa kanyang labi, tila nasisiyahan sa epekto ng kanyang ginawa.Samantala, naiwan si Selena, mag-isa sa loob ng silid.Isang mahinang hikbi ang pumuno sa katahimikan. Hindi na niya napigilan ang kanyang luha. Tuluyan siyang bumigay.Sa loob ng ilang minuto, tahimik lang siyang nakaupo, hawak pa rin ang papel na gumulo sa kanyang mundo.Hindi niya napansin na bahagyang bumukas ang pinto at may pumasok. Natauhan lamang siya nang marinig ang isang pamilyar na tinig.“Ate?”Nakatagil
Last Updated: 2025-03-23
Chapter: Chapter TenIsang papel ang bahagyang nakausli mula sa isang drawer sa ilalim ng mesa. Hindi dapat ito pakialaman ni Heather… pero nanaig ang kanyang kuryusidad.Lumapit siya, saglit na lumingon sa paligid upang tiyakin na walang nakakakita, saka dahan-dahang binuksan ang drawer. Kinuha niya ang papel at mariing binasa ang nilalaman.Nanlaki ang kanyang mga mata. Hindi siya makapaniwala sa kanyang nabasa.Ilang segundo siyang natigilan, ngunit kalaunan, isang mapanuksong ngiti ang gumuhit sa kanyang labi, isang ngiting may masamang balak.Maingat niyang isinara ang drawer at itinago ang anumang bakas ng kanyang ginawa. Pagkatapos, kalmado siyang naglakad palabas ng opisina, animo’y walang nangyari. Ngunit sa loob niya, alam niyang may hawak siyang impormasyon na maaaring magamit sa kanyang plano.Pasado alas-dose ng tanghali nang makauwi si Selena mula sa pagsusukat ng kanyang wedding gown at pamimili ng wedding ring. Pagdating nila sa mansyon, nakita niya ang kanyang nakababatang kapatid na si S
Last Updated: 2025-03-22
Chapter: Chapter NinePara kay Heather, hindi pa tapos ang lahat. Hindi siya basta papayag na mawala at masayang ang lahat ng pinaghirapan niya. Hindi siya susuko ng ganoon na lamang.Huminga siya ng malalim at humakbang papasok sa bahay. Sinalubong siya ng kanyang ina, si Julie Faulkner, halatang sabik na malaman ang nangyari.“Anak, ano na? Kamusta?” bungad ng kanyang ina, hindi maitago ang pananabik sa sagot.Hindi na siya nagpatumpik-tumpik pa at ikinuwento ang lahat ng nangyari. Napalitan ng pagkabigla ang ekspresyon ni Julie, kasunod noon ay ang namumuong inis sa kanyang mga mata.Isang mapait ngunit matapang na ngiti ang gumihit sa labi ni Heather. “Huwag kang mag-alala, Mom. Hindi ako susuko.”Ngumiti rin si Julie, may kumpiyansa sa tinig nito. “Tama ‘yan, anak. Hindi pa huli ang lahat kaya dapat lang na ipaglaban mo ang iyo.”Muli niyang itinuwid ang kanyang likuran, dama ang pagbabalik ng kanyang tiwala sa sarili. “Mapapasaakin si Axel… sa kahit anong paraan,” bulong ni Heather sa kanyang sarili.
Last Updated: 2025-03-21
Chapter: Chapter EightBakit narito ka, Mom?” tanong nito, casual lang ang tono ng boses at walang bakas ng pagka-ilang, tila ba wala itong nararamdamang pressure sa sitwasyon.Nakasimangot si Abigail, halatang hindi nagustuhan ang kawalan ng emosyon ng anak. “Alam kong alam mo ang dahilan kung bakit ako narito, Axel. Kailangan ko ng paliwanag mula sa ‘yo ngayon,” madiin ang tono ng ina, rinig ang bahid ng galit.Kalmadong sumandal si Axel sa sofa at tiningnan ang ina. “Hindi ba’t sinabi ko na si Selena ang pakakasalan ko? Ipinadala na ni Russell ang imbitasyon sa kasal namin na gaganapin bukas ng gabi.” aniya, walang bakas ng pag-aalinlangan sa boses.Hindi na napigilan ni Abigail na tumaas ang boses. “Hinding-hindi ko matatanggap ang babaeng ‘yan para sa ‘yo! Hindi ka ba naaawa kay Heather? Nagbalik siya ng bansa para sa ‘yo at—”“Dahil lang sa nagbalik siya, kailangan kong sumunod sa gusto mo at pakasalan siya? Ga’non ba dapat, Mom?” putol ni Axel sa sinasabi nito. May halong panlalamig na sa tono nito.
Last Updated: 2025-03-20
Chapter: Chapter SevenSa matayog na skyscraper na siyang nagsisilbing punong tanggapan ng Strathmore Group, kararating lamang ni Russell mula sa Crystal Lake Mansion. Tuloy-tuloy siyang pumasok sa opisina ni Axel. Lumapit siya sa mesa nito at maingat na nagsalita. “Mr. Strathmore, naihatid ko na sila Ms. Payne at Silas. May iba ka pa bang ipapagawa sa ‘kin?” tanong niya habang hinihintay ang tugon nito. Tumingala si Axel, hawak pa rin ang mga dokumentong binabasa. “Simulan mo na ang mga paghahanda para sa kasal namin bukas ng gabi,” anito sa malamig ngunit madiing tinig. “Gumawa ka ng listahan ng mga imbitado at ipasa mo sa ‘kin bago ipadala ang mga imbitasyon.” Tumango si Russel bilang pagsang-ayon, ngunit hindi niya napigilang magtanong. “Maaari ba akong magtanong, Mr. Strathmore?” Bahagyang tumaas ang isang kilay ni Axel. Halatang hindi sanay sa mga personal na katanungan mula sa kanyang assistant. “Sige, ano ‘yon?” Nag-atubili si Russell bago nagpatuloy. “Sigurado na ba kayo sa desisyon niyong pak
Last Updated: 2025-03-20
Chapter: Chapter SixPagkatapos siyang bantaan ay umalis na ang mga ito at sinabing babalik ulit para kolektahin ang bayad mula sa kanya. Bumangon siya, nanginginig ang binti. Lumapit sa kanya si Silas at mahigpit siyang niyakap. “Ate, natatakot ako,” bulong ni Silas. Pinilit niyang pakalmahin ang sarili. Huminga siya ng malalim at pinunasan ang luhang pumatak sa kanyang pisngi. Marahan niyang hinaplos ang ulo ng kanyang kapatid. “Huwag kang mag-alala, Silas,” mahinahon siyang sabi, pilit na pinatatag ang boses. “Hindi ko hahayaang may masamang mangyari sa atin.” Pero sa loob niya, hindi niya alam kung ano ang gagawin. Ang tanging sigurado ay hindi siya papayag na may mangyari sa kanila, lalo pa at may dinadala siyang bata sa kanyang sinapupunan. “Tara, Silas. May pupuntahan tayo sandali,’ aniya, sabay buhat sa kanyang kapatid at tumawag ng taxi. Samantala, kasalukuyang nasa gitna ng isang meeting si Axel. Pagkaraan ng mahigit isang oras, tinapos niya ito at lumabas ng meeting room, saka bumalik sa
Last Updated: 2025-03-17
LOGIN
